Koi hum sey bhi muhabbat kerta ho,
koi hum pey bhi jeeta merta ho,
koi hum ko bhi dekh key hansta ho,
Haaye kaash kih aisa hota ho,
koi hum sey bhi muhabbat kerta ho.

Kabhi ik dam saamny aata ho,
kabhi chhup ker bijli girata ho,
kabhi tanha younhe shermata ho,
kabhi mery liye woh sanwerta ho,
haaye kaash kih aisa hota ho,
Koi hum sey bhi muabbat kerta ho.

Jab dheemy dheemy chalta ho,
ya chup baithy kissey takta ho,
ya ishq-e-Farhad ko sunta ho,
saath hum ko bhi yaad woh kerta ho,
haaye kaash kih aisa hota ho,
koi hum sey bhi muhabbat kerta ho.

kabhi kerb sey hum nidhaal ho jaein,
piyein garm aansu bharein thundi aayein,
Jab derd ka apny koi saathi na payein,
koi mery liye bhi rota ho,
haay kash kih aisa hota ho,
koi hum sy bhi muhabbat kerta ho.

Koi phool kitab mein rekhta ho,
phir naam hamara likhta ho,
deedaar mirey ko trasta ho,
har roz gali sey guzarta ho,
haaye kaash kih aisa hota ho,
koi hum sey bhi muhabbat kerta ho,
haaye kaash kih aisa hota ho.

Hijr ki kaali raaton sey,
Ya dehr ki karhvi baaton sey,
Dil thak jae jab maaton sey,
Koi zakhm py marham rakhta ho,
Haaye kaash kih aisa hota ho,
Koi hum sey bhi muhabbat karta ho.

Apnon praayon sey larhta ho,
Mujhy soch k jalta kurhta ho,
Merey naam ki tasbeeh parhta ho,
Merey naam k moti prota ho,
Haaye kaash kih aisa hota ho,
Koi hum sey bhi muhabbat karta ho.

Mujhy dekhney door talak jaata ho,
Mujhy dekh k chhup bhi jaata ho,
Mujhy paany sey ghabraata ho,
Mujhy khoney sey bhi darta ho,
Haaye kaash kih aisa hota ho,
Koi hum sey bhi muhabbat karta ho.